fbpx
خبریں

یوٹیوب صارفین کیلئے بڑی سہولت، نئے فیچرز متعارف

کیلیفورنیا : ویڈیو اسٹریمنگ سروس یوٹیوب کی جانب سے اپنے صارفین کے لیے 2 نئے فیچرز متعارف کرنے کا اعلان کیا گیا ہے۔

تفصیلات کے مطابق گوگل کی مقبول ترین سروس یوٹیوب انتظامیہ نے اپنے صارفین کی سہولت کیلئے دو بہترین فیچرز کا اضافہ کیا ہے، ان میں سے ایک فیچر یوٹیوب شارٹس کے حوالے سے ہے۔

یوٹیوب شارٹس استعمال کرنے والے صارفین اب مختصر ویڈیوز کے اس سیکشن کو لائیو ویڈیو اسٹریمنگ کے لیے بھی استعمال کر سکیں گے۔

کمپنی کی جانب سے اعلان کیا گیا ہے کہ شارٹس ویڈیوز اسکرولنگ کے دوران صارفین لائیو ویڈیو کا پریویو دیکھ سکیں گے جس پر کلک کرنے پر لائیو ویڈیوز کو ورٹیکل فارمیٹ میں اسٹریم کرنا بھی ممکن ہوگا۔

ویسے تو یوٹیوب پر ورٹیکل فارمیٹ میں لائیو اسٹریمنگ کا آپشن کافی عرصے سے موجود ہے مگر اب اسے شارٹس فیڈ کا حصہ بنایا جا رہا ہے۔

Youtube

یوٹیوب کا یہ نیا فیچر ٹک ٹاک سے ملتا جلتا ہے جس کی جانب سے بھی مختصر ویڈیوز کو دیکھتے ہوئے لائیو اسٹریمنگ کو دیکھنا ممکن ہے۔

ٹک ٹاک میں اس تبدیلی کے نتیجے میں لائیو اسٹریمنگ کو کافی فائدہ ہوا اور صارفین کی انگیج منٹ میں نمایاں اضافہ دیکھنے میں آیا۔

یوٹیوب شارٹس میں لایو اسٹریمنگ کے حوالے سے ایپ میں متعدد ڈسکوری آپشنز کا اضافہ بھی کیا جائے گا۔

شارٹس میں اس نئے اضافے کے ساتھ ساتھ یوٹیوب کی جانب سے پوڈ کاسٹ براہ راست یوٹیوب اسٹوڈیو سے اپ لوڈ کرنے کی سہولت بھی فراہم کی جا رہی ہے۔

اس تبدیلی سے صارفین اپنی آر ایس ایس فیڈ کو براہ راست یوٹیوب اسٹوڈیو سے منسلک کر سکیں گے جس سے وہ اپنے مواد کو زیادہ افراد تک پہنچا سکیں گے۔

Comments




Source link

Facebook Comments

Related Articles

رائے دیں

Back to top button