پاکستانیخبریں

وزیراعظم استعفیٰ دیں گے نہ اپوزیشن مستعفی ہو گی۔ شیخ رشید

سینیٹ کے الیکشن فروری کے آخری ہفتے میں کرا دیں گے، اتحادی سینیٹ الیکشن میں وزیر اعظم کے ساتھ ہوں گے۔

وزیر داخلہ شیخ رشید احمد نے کہا ہے کہ پاکستان ڈیموکریٹک مومنٹ کی تحریک پر وزیراعظم عمران خان اور آرمی چیف جنرل قمر جاوید باجوہ رابطے میں ہیں،وزیر اعظم استعفیٰ دیں گے نہ اپوزیشن مستعفی ہو گی،31 جنوری سے پہلے پہلے درمیانی راستہ نکل آئے گا۔

نجی ٹی و ی سے گفتگو کرتے ہوئے شیخ رشیداحمد  نے کہا کہ پی ڈی ایم  کی تحریک پر وزیراعظم عمران خان اور آرمی چیف جنرل قمر جاوید باجوہ رابطے میں ہیں، وزیر اعظم استعفیٰ دیں گے نہ اپوزیشن مستعفی ہو گی،31 جنوری سے پہلے پہلے درمیانی راستہ نکل آئے گا۔انہوں نے کہا کہ سینیٹ کے الیکشن فروری کے آخری ہفتے میں کرا دیں گے، اتحادی سینیٹ الیکشن میں وزیر اعظم کے ساتھ ہوں گے۔

انہوں نے کہاکہ نواز شریف اور اسحاق ڈار اس دور حکومت میں واپس نہیں آ سکیں گے، سابق صدر آصف علی زرداری کے کیسز کراچی شفٹ ہو گئے تو پیپلز پارٹی کچھ نہیں کرے گی۔ شیخ رشید نے کہا کہ نیب کی ترامیم پر مفتاح اسماعیل کی بات ٹھیک ہے، پارٹیوں سمیت تمام سٹیک ہولڈرز مان گئے تھے صرف عمران خان نہیں مانے۔انہوں نے کہا کہ وفاقی تحقیقاتی ادارے (ایف آئی اے) کو مشیر داخلہ شہزاد اکبر نہیں بلکہ میں دیکھوں گا، کرپشن کے معاملے پر جہاں شہزاد اکبر کو ایف آئی اے کی ضرورت ہوگی انہیں مدد ملے گی۔وزیر داخلہ نے کہا کہ ابھی تک فیصلہ نہیں ہوا کہ پی ڈی ایم کے لانگ مارچ اور استعفوں سے کیسے نمٹنا ہے، 6 مہینے تک حکومت استعفوں کو لٹکاسکتی ہے، پنجاب میں پرویزالٰہی بھی ایساہی کریں گے۔

ٹیگز

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ مضامین

Back to top button
Close
Close