fbpx
خبریں

آسٹریلوی کھلاڑی کے ورلڈ کپ ٹرافی پر پاؤں رکھنے پر انڈین شائقین برہم

گذشتہ شب دنیا کے سب سے بڑے کرکٹ سٹیڈیم میں انڈیا کو شکست دے کر ورلڈ کپ جیتنے والی آسٹریلوی ٹیم کے کھلاڑی اس وقت انڈین شائقین کی شدید تنقید کا سامنا کر رہے ہیں۔

اس کی وجہ بظاہر تو آسٹریلوی کھلاڑی میچل مارش کی وہ تصویر ہے جس میں انہوں نے ورلڈ کپ کی ٹرافی پر اپنے پاؤں رکھے ہوئے ہیں۔

انڈین شائقین اس تصویر پر کمنٹ کرتے ہوئے آسٹریلوی ٹیم کو ورلڈ کپ کی ٹرافی کا احترام نہ کرنے کا مرتکب قرار دے رہے ہیں۔

انکور لاہوتے نامی ایک صارف نے میچل مارش کی تصویر پوسٹ کرتے ہوئے لکھا کہ ’بھائی تھوڑی تو عزت کر لو۔‘

پراوین نامی ایک صارف نے اپنی طویل پوسٹ میں لکھا کہ ’احترام کے نام پر ہم انڈین صرف پوائنٹ سکورنگ اور ڈرامہ کر رہے ہیں۔‘

انہوں نے مزید لکھا کہ ’پہلے چھ ورلڈ کپ ٹرافی جیتنا سیکھیں اور اولمپکس میں پہلے نمبر پر آئیں اس کے بعد ٹرافی کے احترام کی بات کریں۔‘

گروچی ماکس نامی صارف نے ان شائقین کو جواب دیتے ہوئے لکھا کہ ’ایسی قوم جو انسانوں کا احترام نہیں کرتی وہ آسٹریلینز کو ایک بے جان شے کا احترام کرنا سکھا رہی ہے۔‘

شنایا نامی ایک صارف نے لکھا کہ ’انڈینز آسٹریلینز کو سکھا رہے ہیں کہ وہ ایک بے جان شے کا احترام کریں جب کہ ان کے وزیراعظم جیتنے والے کپتان کو چھوڑ کر سٹیج سے سے چلے گئے۔‘

سماجی رابطوں کی ویب سائٹ ایکس پر کئی صارفین انڈین وزیراعظم نریندر مودی کو بھی آسٹریلوی کپتان پیٹ کمنز کو ٹرافی تھما کر سٹیج سے چلے جانے پر تنقید کا نشانہ بنا رہے ہیں۔




Source link

Facebook Comments

Related Articles

رائے دیں

Back to top button