fbpx
خبریں

چاند پر اترنے سے قبل روسی خلائی مشن ناکامی کے دہانے پر، جہاز کھونے کا خدشہ

ماسکو: چاند پر اترنے سے قبل روسی خلائی مشن ناکامی کے دہانے پر ہے، قمری جہاز کے کھو جانے کا بھی خدشہ ظاہر کیا جا رہا ہے۔

روئٹرز کے مطابق روس کے چاند مشن لونا 25 کو چاند پر لینڈنگ سے قبل ایمرجنسی صورت حال کا سامنا کرنا پڑا تھا، قمری جہاز کو پری لینڈنگ کے مدار میں داخل ہونے میں دشواری پیش آئی تھی۔

روسی خلائی ایجنسی کا کہنا ہے کہ لونا 25 پر غیر معمولی صورت حال کی اطلاعات ہیں، چاند کی سطح پر اُترنے سے پہلے ایمرجنسی صورت حال کا پتا چلا، ماہرین کا کہنا ہے ایمرجنسی صورت حال کا جائزہ لے رہے ہیں۔

دوسری طرف روئٹرز نے خبر دی ہے کہ 47 برسوں میں پہلی بار روس کا چاند مشن ناکامی کے قریب دکھائی دے رہا ہے، اور روسی میڈیا نے کہا ہے کہ ہو سکتا ہے کہ قمری جہاز کھو گیا ہو۔

روس کی ریاستی خلائی کارپوریشن ’روسکوسموس‘ نے کہا کہ جب مشن کنٹرول نے ہفتے کے روز سوا گیارہ بجے پر جہاز کو لینڈنگ سے پہلے کے مدار میں منتقل کرنے کی کوشش کی تو غیر معمولی صورت حال کا سامنا کرنا پڑا، اس مشن نے پیر کو چاند کے قطب جنوبی کی سطح پر اترنا تھا۔

’روز محشر‘ نامی گلیشیئر خطرے میں گرفتار، سائنس دانوں نے خطرے کی گھنٹی بجا دی

روسکوسموس کا کہنا تھا کہ ماہرین اس صورت حال کا تجزیہ کر رہے ہیں، تاہم ہفتے کے بعد سے لونا پچیس کے بارے میں کوئی اپ ڈیٹ نہیں دی گئی ہے، جب کہ غیر تصدیق شدہ روسی زبان کے ٹیلیگرام چینلز نے اطلاع دی ہے کہ کرافٹ کے ساتھ رابطہ منقطع ہو گیا تھا اور روس کے ایک اخبار نے ایک نامعلوم ماہر کا حوالہ دیتے ہوئے کہا کہ ممکن ہے کہ کرافٹ کھو گیا ہو۔

واضح رہے کہ اس روسی خلائی مشن نے چاند پر پانی کی موجودگی سے متعلق شواہد اکھٹے کرنا ہے۔

Comments




Source link

Facebook Comments

Related Articles

رائے دیں

Back to top button